'n Webwerf waar u Afrikaanse materiaal kan kry vanaf Gr R tot Gr 3.  Die materiaal is so geskryf dat leerders met lees, begrip en spel probleme deur middel van die materiaal gehelp kan word.  Die materiaal is so geskryf dat leerders kan leer lees met behulp van klanke en nie net 'n sien-en-lees benadering nie. 

 Die materiaal sluit stories in wat op die kind se leefwêreld gerig is waarmee die leerders kan vereenselwig.  Die stories is geskryf rondom spelwoorde en die meeste spelwoorde wat die leerders moet aanleer word binne konteks in die stories gebruik.   Graad 1, Graad 2 en Graad 3 se spel is in hierdie materiaal ingewerk met ook die Leeruitkomste en Assesseringstandaarde soos deur die departement uiteengesit. 

Ek is 'n opgeleide Remediërende Onderwyseres en het so 12 jaar terug begin om my eie materiaal te skryf uit desperaatheid omdat daar so min Afrikaanse materiaal beskikbaar is.

Ek het verlede jaar ook begin om die materiaal vir tweede taal onderrig te gebruik in 'n Graad 4 klas.   Die kinders het die stories en werkboeke verskriklik geniet en kon nie wag om die volgende werkboek te begin gebruik nie.

Ek vertrou dat hierdie materiaal vir u van groot nut  en waarde sal wees.  Wiskunde en Tweede Taal is slegs addisionele produkte. Alle produkte wat u bestel sal per e-pos aan u gestuur word sodra bewys van betaling ontvang is.

Hierdie webwerf is meestal vir Afrikaans Huistaal materiaal.