Remediëring: 

1) Ouditiewe geheue 
Wanneer die skoolbeginner in lees onderrig word, moet in gedagte gehou word dat die hoofdoel is om hulle te leer om met begrip te kan lees.  Dit kan slegs bereik word as die leerlinge se ouditiewe en visuele persepsie ten volle ontwikkel is.                                                                                                             

Om te kan leer lees moet die leerlinge in staat wees om tussen klanke te onderskei. 

Kinders van vandag word groot in ‘n klankbesoedelde omgewing.  Hulle raak so gewoond aan die gedurige geraas, gedruis en rumoer dat hulle glad nie probeer om tussen klanke te onderskei nie.  Hulle verleer om te luister, m.a.w. hulle ouditiewe persepsie verstomp.  Met die volgende oefeninge gaan ons poog om die leerlinge se ouditiewe persepsie, konsentrasievermoë en ouditiewe geheue te ontwikkel.